طالبان صناعت و سوداگرلیک وزیرلیگی بوگون چهارشنبه، اۉنینچی اسد، حکومت یېتکرمه‌لری و اخبارات مرکزیده اوتکزیلگن خبری بیر ییغین‌ده بو وزیرلیک ایشلری توغریسیده تفصیلات بېردی.
طالبان صناعت و سوداگرلیک وزیرلیگی نینگ اعلام قیلیشیچه، افغانستان سۉنگی بیر ییل ایچیده کمیده ۸ میلیارد دالر ارزش‌گه ایگه سوداگرلیک توارلرنی باشقه مملکت‌لردن وارد قیلگن.
شونینگدېک افغانستان اوشبو مدت ایچیده ۱.۸ میلیارد دالرگه سوداگرلیک توارلرنی صادر قیلگن.
طالبان صناعت و سوداگرلیک وزیرلیگی نینگ ادعا قیلیشیچه، اۉتگن ییل جریانیده افغانستان صادراتی ایریم مملکتلرگه کۉپه‌یگن.
بو وزیرلیک‌نی بیلدیرییشیچه، سۉنگی بیر ییل‌ده، افغانستان صادرات رقمی قزاقستان گه ۲.۵ فایز، چین گه ۱۶ فایز، ایران گه ۱۹ فایز، تورکیه گه ۵۳ فایز و روسیه گه ۵۴ فایز آشگن.
