بریتانیا مملکتی نینگ افغانستان بوییچه ایلچی‌خانه‌سی شارژدافیری رابرت دیکسن، یقین‌ده افغانستان‌ده‌گی سفری جریانیده طالبان رسمی‌لری بیلن اۉتکزگن اوچره‌شوولریده، افغانستان خاتین-قیزلری‌گه قرشی چیکلاولردن خواطر بیلدیرگنینی اعلام قیلدی.
شونینگدېک بریتانیالیک بو دیپلومات، افغانستان‌ده نادولتی یاردم بیروچی تشکیلات‌لر فعالیتی دوامی اوته اهمیت‌لی دېب هم بیلدیرگن.
عینی حالده، رابرت دیکسن میلادی ۲۰۲۵ – ییل افغانستان اوچون یخشی‌راق بیر ییچیم یۉل تاپیلیشی‌گه امید بیلدیرگن.
دیکسن اۉزی نینگ ایکس صحیفه‌سیده، بو باره‌ده بیرلشکن ملتلر تشکیلاتی خوفسیزلیک کېنگشی نینگ ۲۷۲۱ سانلی قطعنامه‌سی نظرگه توتیلیشینی تاکیدلب یازیشیچه “میلادی ۲۰۲۵ – ییل افغانستان اوچون یخشی بیر یۉل تاپیلیشی‌گه امید بیلدیره‌من، شوندی که سرپرست وزیرلر بیلن اۉتکزگن صحبت‌لریمگه بیان قیلگن اېدیم. بیرلشکن ملتلر تشکیلاتی نینگ مستقل تیکشیرووی و ۲۷۲۱ سانلی قطعنامه رواجلنگن و خوفسیز بیر افغانستان‌نی کۉرسه‌تدی.”
دیمک یقین بیر ییل ایلگری، بیرلشکن ملتلر تشکیلاتی خوفسیزلیک کېنگشی افغانستان اوچون ۲۷۲۱ سانلی قطعنامه‌نی تصدیق‌لگن اېدی.
بو قطعنامه اساسیده، بیرلشکن ملتلر تشکیلاتی باش کاتبی تامانیدن افغانستان اوچون مخصوص بیر وکیل تانیشیریلیشی و افغانستان بیر قنچه مساله‌لرنی رعایت قیلیشی بیلن خلق‌ارا هم‌جمعیتی قوشیلیشی اوچون یۉل یره‌تیلیشی کېره‌ک اېدی.
بیراق بو بیر ییل ایچیده مذکور قطعنامه عملگه آشیریلمه‌دی.
