جوزجان ولایتی مردیان اولسواللیگیده، طالبان تامانیدن قوللب-قوتلنگن پشتون بیر شخص تورکمنلر قبرستانی اوستیده دعوا قیلگن.
بو جنجللر دوامیده بو ولسواللیک محلی رسمیلری، دوشنبه کونی ۳ – جدی کېلیب، مردیان اولسواللیگی «هندوکش» منطقهسی قبرستانیدن یقین ۳۰ جریب ییرنی پشتونلرگه اولچب بېرگن.
بو منطقه یشاوچیلری اۉزبېک تیوی بیلن علاقه قوریب، طالبان محلی رسمیلری اولرگه قرشی بو عدالتسیزلیکنی روا کۉرگنیدن شکایت قیلهدیلر.
اولرگه کۉره، بو ییر مردیان اولسواللیگی اوچون طالبان اولسوالی و خوفسیزلیک قومندانی تامانیدن اولچب بېریلگن و بو منطقه یشاوچیلریدن هیچ کیم یۉق اېکن.
ایتیش کېرهک که مذکور دعوا تۉغریسیده اۉزبېک تیوی یقینده بیر مستند گزارش نشر قیلدی.
اوشبو گزارشگه اساس، طالبان محلی رسمیلری بو منطقه یشاوچیلری عرض و دادلریگه قولاق سالمهگن.
