بوگون جدی آیی نینگ ۱۴ – سی، افغانستان‌ده اۉزبېک تیلی اوچون مخصوص کون‌لردن بېری تانیله‌دی. چونکه بوندن ۲۱ ییل ایلگری، افغانستان اساسی قانونی‌ده ایلک‌بار اۉزبېک و تورکمن تیللری، رسمی اۉرین تاپدی.
افغانستان‌ده طالبان نینگ بیرینچی دور حاکمیتی قوله‌گنی و جمهوریت تیزیمی مملکتده حاکم بۉلگنیدن کیین، بو مملکتده ترتیب‌لی بیر حکومت اۉرتهگه کېلیب، اساسی قانون تیارلندی و اوشبو قانون‌ده، اۉزبېک و تورکمن تیللری هم اوچینچی رسمی تیل اوله‌راق کېریتیلدی.
افغانستان‌ده عصرلر حاکمیت‌لرنی یامان یانده‌شوولری بیلن قرشی‌لنیب کېلگن، بو مملکتده تورکی تیللر اساسی قانون‌ده ذکر اېتیلگنی، افغانستان اۉزبېک و تورکمن خلقلری اوچون خاص اهمیت‌گه ایگه اېدی و انه‌شوو سبب بوگون خلق‌میز تامانیدن نشان‌لنیب کېلماقده دیر.
قویاش ۱۳۸۲ – ییل افغانستان اساسی قانونی تیارلنگنی آرتیدن انیق ۲۱ کون‌دن کیین، بو قانون اوچون تشکیل اېتیلگن لویه جرگه (بویوک جرگه) اۉزبېک و تورکمن تیللرینی اساسی قانون‌ده جای آلیشی تۉغریسیده موافقت قیلدی‌لر و البته بو یوتوق بیر قنچه اۉزبېک سیاسی سیمالری نینگ سعی‌وحرکتی طفیلی قۉلگه کېلگن اېدی.
حاضر بو یوتوق‌دن ۲۱ ییل اوتر اېکن، طالبان حاکمیتیده قیته توشیب قالگن افغانستان‌ده، اۉزبېک تیلی احوالی ینه‌ده ناانیق احوالده توشیب قالگن.
