طالبان تشقی ایشلر وزیرلیگی نینگ اعلام قیلیشیچه، بو گروه بیلن امریکا قوشمه ایالتلری آره‌سیده اسیرلر المشتیریلیب، امریکاده اسیر طالبان بیر اعضاسی کابل کېلگن.
بو وزیرلیک تامانیدن نشر اېتیلگن بیانات‌گه کۉره، طالبان تامانیدن امریکا بیر وطنداشی آزاد اېتیلگنی برابریده، امریکا خان محمد ناملی طالبان بیر اعضاسینی قماق‌دن آزاد قیلگن.
طالبان تشقی ایشلر وزیرلیگی، بو کیلیشوو اوزاق مدت‌لی مذاکره‌دن کیین قۉلگه کېلگنینی معلوم قیلگن. شونینگدېک طالبان بو حقده قطر مملکتی سعی‌وحرکتلریدن منتدارچیلیک بیلدیرگن.
ایتیش کېره‌ک که طالبان، بو گروه تامانیدن آزاد اېتیلگن امریکا وطنداشی کیم‌لیگی حقیده تفصیلات بېرگن اېمس.
دیمک بوندن ایلگری، طالبان و امریکا آره‌سیده، امریکا اوچ وطنداشی آزاد اېتیلیشی و امریکا تامانیدن هم القاعده اعضالریدن رحیم افغانی آزاد اېیتلیشی بۉییچه مذاکره‌لر دوامی خبر قیلینگن اېدی.
