بیرلشکن ملتلر تشکیلاتی انسان حقلری کېنگشی نینگ ۵۸ – دور ییغینی باشلندی.
اوشبو ییغین، بیرلشکن ملتلر تشکیلاتی باش کاتبی آنتونیو گوتریش و بو تشکیلات انسان حقلری کېنگشی نینگ باشلیغی ولکر تورک نطق‌لری بیلن باشلندی و کېله‌سی حمل آیی نینگ ۱۵ – سیگه قدر دوام اېتیشی ریجه‌لشتیریلگن.
اوشبو مدت ایچیده، انسان حقلری کېنگشی نینگ اعضالری بیرگه‌لیکده، دنیا بویلب مملکتلرده دوام اېتیب تورگن انسان حقلری احوالینی تیکشیرهدی.
انسان حقلری کېنگشی نینگ نوبتده‌گی ییغینی شوندی بیرحالده باشلنماقده دیر که اخیرگی ییللر ایچیده دنیا ایریم مملکتلری جمله‌دن افغانستان‌ده انسان حقلری احوالی آغیرلشیب قالگن.
طالبان حاکمیتی آستیده بۉلگن افغانستان، دنیاده‌گی اینگ کۉپ انسان حقلری نقض اېتیلگن مملکتلر جمله‌سیدن دیر و اوشبو وضعیت باعث حاضر افغانستان اهالیسی اینقسه خاتین-قیزلر قرانغو بیر احوالده حیات کېچیرماقده.
