بوگون مارچ آیی نینگ ۱۵ – سی «خلق‌ارا اسلام هراسلیککه قرشی کوره‌ش کونی» بیلن ماس دیر.
اوشبو کون ییتیب کېلیشی بیلن، دنیاده اسلام و مسلمان‌لرگه قرشی تعصب‌لر و یامان یانده‌شوولرگه نقطه قوییلیشی طلب قیلینماقده دیر.
بیرلشکن ملتلر تشکیلاتی نینگ باش کاتبی آنتونیو گوتریش، بو حقده اۉزی نینگ ایکس صحیفه‌سیده بیر ویدیو بیانات نشر قیلیب، دنیاده مسلمان‌لرگه قرشی تعصب کۉپه‌یگنیدن خواطر بیلدیردی.
گوتریش نینگ ایتیشیچه “مسلمان‌لر روزه آیی‌نی اولرگه قرشی تعصب‌لر بۉلگن بیرحالده کوتیب آلدی. مسلمان‌لرگه قرشی تعصب، نژادی حقارت، تعصب‌لی یانده‌شوو و سیاست و مسلمان‌لر شخصیت‌لری و عبادتخانه‌لری برابریده آچیق زوره‌وانلیکلردن عبارت دیر.”
عینی حالده، تورکیه تشقی ایشلر وزیرلیگی هم بو حقده بیر بیانات نشر قیلیب، دنیا هم‌جمعیتی‌دن اسلام هراسلیککه قرشی کوره‌ش خصوصیده چاره-تدبیر کۉریشینی طلب قیلگن.
تورکیه تشقی ایشلر وزیرلیگی بو ایش‌نی دنیا بویلب تینچ‌لیک تامین‌لنیشی اوچون مهم دېب بیلدیرگن.
ایتیش کېره‌ک که ۱۵ – مارچ خلق‌ارا اسلام هراسلیککه قرشی کوره‌ش کونی اوله‌راق، بیرلشکن ملتلر تشکیلاتی تامانیدن میلادی ۲۰۲۲ – ییلی مسما اېتیلگن اېدی.
