افغانستان ملی اسلامی جنبش حزبی نینگ رهبری مارشال عبدالرشید دوستم، بوگون قربان هییتی نمازی اۉقیلگندن کیین بۉلگن نطقلریده، افغانستانده دوام اېتیب یاتکن وضعیتدن جدی تنقید قیلگن.
مارشال دوستم اۉزی نینگ نطقلریده، طالباننی قیلهیاتکن ایشلریدن تنقید قیلیب، بو حاکمیت قولهشی انیق و اوندن کیین طالبانگه افغانستاندن چیقیب قاچیشگه هم فرصت بېریلمهیدی دېب آگاهلنتیرهدی.
بو حقده نشر اېتیلگن معلوماتلرگه کۉره، مارشال دوستم «دشت لیلی» واقعهسی خصوصیده، طالبان بیاناتلرینی اېسلب، ینه هم شوندی واقعه سالنگ و بادغیسده یوز بېریشی ممکن دېب آگاهلنتیرگن.
شونینگدېک مارشال دوستم نینگ ایتیشیچه، طالبان اونگه یقین حربیلرنی افغانستانده شفقتسیز بیرحالده اۉلدیرماقده دیر.
مارشال دوستم بو خصوصده اختر جوزجانی و بهاءالدین خان ناملی ایکی سابق حکومت حربیلریدن اېسلهگن که یقین کونلر ایچیده، طالبان تامانیدن اۉلدیریلگنی ایتیلهدی.
