افغانستان ایریم ولایتلری جملهدن میدان وردک و لوگر ولایتلریده، اخیرگی کېچهوکوندوز دوامیده سوو تاشقینلری صادر بۉلگنی خبر قیلیندی.
میدان وردک ولایتیده طالبان محلی رسمیلری تامانیدن یېتکیرمهلر اختیاریده قوییلگن معلوماتلر اساسیده، بو ولایتده یوز بېرگن اخیرگی سوو تاشقینلری، مالی زیانلرگه قوشیمچه، جانی قربانلیکلرگه هم سبب بۉلگن.
بو حقده نشر بۉلگن معلوماتلرگه کۉره، میدان وردک ولایتیده اخیرگی سوو تاشقینلری نتیجهسیده، بیر کیشی جان بېریب و ینه اوچ کیشی یرهلنگن.
عینی حالده، لوگر ولایتیده هم طالبان محلی رسمیلری بو ولایتده سوو تاشقینی صادر بۉلگنیدن خبر بېرگن.
مذکور طبیعی حادثهلر ایریم حدودلرده یۉللر یاپیلیشیگه هم سبب بۉلگن.
ایتیش کېرهک که هر ییلی بهار موسومی ییتیب کېلیشی بیلن افغانستانده سوو تاشقینلری صادر بۉلیب، کۉپلب انسانلر قربان بۉلیشیگه باعث بۉلهدی.