اۉزبېکستان جمهورلیک ریاست مطبوعات خذمتی نینگ اعلام قیلیشیچه، بو مملکت جمهور باشلیغی شوکت میرضیایف طالبان باش وزیری نینگ اقتصادی مساله‌لر بۉییچه اۉرین باسری عبدالغنی برادرنی حضوری‌گه قبول قیلیب، اقتصادی همکارلیکلر خصوصیده فکر المشتیرگن.
بو حقده اۉزبېکستان جمهورلیک ریاستی نینگ اعلام قیلیشیچه، مذکور اوچره‌شووده، اقتصادی همکارلیکلر کۉچه‌یشی همده قوشمه کارخانه‌لر سانی تاباره آشیشی خصوصیده فکر المشتیریلگن.
اۉزبېکستان جمهور باشلیغی، کانلرنی قازیب چیقاریش، سوداگرلیک ساحه‌سیده قوله‌یلیک یره‌تیش، تیکووچیلیک، ایکینچیلیک و قوریلیش محصولاتلرینی ایشلب چیقاریش ساحه‌لریده، همکارلیکلر آشیریلیشی کېره‌ک‌لیگینی تاکیدلگن.
عینی حالده اۉزبېکستان جمهور باشلیغی و طالبان باش وزیری اۉرین باسری اوچره‌شوویده، افغان-ترانس لایحه‌سی حقیده صحبت بۉلینگن.
