خلق‌ارا یېتکیرمه‌لرنینگ گزارش بیریشیچه، حماس گروهی غزه‌ده آتیش-کېسین تامین‌لنیشی مقصدیده بۉلگن ینگی ریجه خصوصیده، مذاکره اۉتکزیش‌گه تیارگرلیک کۉرسه‌تگن.
ایتیلیشیچه حماس گروهی بو حقده‌گی اۉز تکلیف‌لرینی امریکا و اسراییل بیلن شریک قیلگن.
دیمک بوندن ایلگری، امریکا جمهور باشلیغی دونالد ترامپ اسراییل ۶۰ کون‌لیک آتیش-کېسین اوچون تیارگرلیک کۉرسه‌تگنینی اعلام قیلگن اېدی.
مصر و قطر وکیللری تامانیدن تیارلنگن بو ریجه حقیده حاضرگه قدر اونچه‌لیک تفصیلات بېریلگن اېمس.
آتیش-کېسین خصوصیده‌گی بو ریجه شوندی بیرحالده تکلیف اېتیمالده دیر که غزه‌ده، اسراییل نینگ قانلی هجوملری دوام اېتیب کېلماقده دیر.
شونینگدېک اسراییل نینگ حربی باسیم‌لری و چیکلاولری سبب غزه اهالیسی آغیر احوالده توشیب قالگن و کۉپلب انسان‌لر آچ‌لیک وضعیتدن اذیت چیکیب ایریم‌لر اېسه بو سبب جان‌لرینی بېرماقده دیر.
بو وضعیت شوندی بیرحالده دیر که بوندن ایلگری، غزه اوروشی‌گه چیک قوییشی مقصدیده بۉلگن آتیش-کېسین کېلیشووی عملگه آشیریلمه‌گن اېدی.
