بوگون سرطان آیی نینگ ۱۵ – کونی مسلمان‌لر اوچون خاص کون‌لردن بیری «عاشورا کونی» بیلن ماس دیر.
اوشبو کون‌دن هر ییلی دنیا مسلمان‌لری اینقسه شیعه مذهبی‌گه تېگیشلی مسلمان‌لر مذهبی احتفاللر بیلن نشانله‌یدی.
بو ییل هم افغانستان‌ده اوشبو کون شوندی بیرحالده ییتیب کېلماقده دیر که طالبان عاشورا مراسملرینی اۉتکزیلیشی برابریده چیکلاولر یره‌تکن.
طالبان چیکلاولری سبب‌لی، افغانستان نینگ شیعه جمعیتی عاشورا کونی‌گه تېگیشلی مراسملرینی اونچه‌لیک اۉتکزیش‌گه قادر اېمس.
طالبان نینگ چیکلاولری اۉتگن ییلی کۉپلب ناراضلیکلرگه هم سبب بۉلگن اېدی. بیراق بو ییل اېسه طالبان باسیملری باعث اونچه‌لیک ناراضلیکلر هم خبر قیلینگن اېمس.
عینی حالده عاشورا مراسمی اوچون، طالبان افغانستان ایریم شهرلری جمله‌دن کابلده مخابراتی شبکه‌لر آنتن‌لرینی هم کیسیب قویگن.
