آلمان حکومتی قونسولی ایش‌لر اوچون، طالبان نینگ ایکی دیپلومات‌نی قبول قیلیشی‌دن خبر بېردی.
آلمان نینگ «دویچه وله» یېتکیرمه‌سی، بو مملکت حکومتی نینگ سۉزلاوچیسی اشتفان کورنلیوس‌دن نقل قیلیب، بو حقده خبر بېردی.
آلمان حکومتی، اوشبو قرارنی افغانستان‌لیک مهاجرلر بو مملکت‌گه قیتریلیشی اوچون آلگنینی معلوم قیلگن.
دیمک آلمان حکومتی طالبان بیلن موافقت قیلگن بیرحالده، سونگی کونلر ایچیده ۸۱ افغانستان‌لیک مهاجرنی مملکت‌گه قیتردی.
آلمان حکومتی نینگ طالبان بیلن علاقه اۉرنه‌تیش قراری کۉپلب تنقیدلرگه سبب بۉلماقده. بو تنقیدلر شوندی بیرحالده دیر که آلمان باش وزیری فریدریش مرتس طالبان حکومتی، آلمان تمانیدن رسمی تَن آلینمس‌لیگینی تاکیدلب، بو حاکمیت بیلن علاقه‌لر یالغیز مهاجرلر قیتریلیشی اوچون آلینگنینی معلوم قیلگن اېدی.
