ایران جمهور باشلیغی مسعود پزشکیان، بو مملکت تشقی ایشلر وزیرلیگی رسمیلری بیلن اۉتکزگن ییغینیده، افغانستانگه سفر قیلیش اوچون تیار اېکنینی اعلام قیلگن.
کابلده ایران ایلچیخانه، ایکس صحیفهسیده نشر قیلگن بیاناتده بو مسالهنی اعلام قیلدی.
ایران جمهور باشلیغی، بو مملکت تشقی ایشلر وزیرلیگی رسمیلریدن قوشنی مملکتلر بیلن مناسبتلرنی کوچهیتیریشلرینی سۉرهگن.
مسعود پزشکیان افغانستان و ایران اۉرتهسیدهگی مناسبتلرده ینگی بیر صحیفه آچیش مقصدیده، بو مملکتگه سفر قیلیش اوچون تیارلیگینی بیلدیرگن.
ایران ایلچیخانهسی بیاناتیده، بو حقده آرتیقچه تفصیلات بېریلگن اېمس.
ایتیش کېرهک که طالبان حاکمیتی حاضرگچه ایران حکومتی تامانیدن رسمی تَن آلینگن اېمس. بیراق شوندی بۉلسه هم ایران طالبان بیلن یخشی مناسبتده بۉلگن مملکتلر جملهسیدن دیر.
