روسیه یېتکیرمهلری تاجکستان دولت ادارهلریدن نقل قیلیب نشر قیلگن خبرلری اساسیده، جاری میلادی ییل باشلنگنیدن بیری تاجکستان و افغانستان چیگرهسیده کمیده اۉن مراتبه تۉقنهشوو یوز بېرگن.
دیمک بو تۉقنهشوولر، مخدره مادهلر قاچاقچیلری و تاجکستان خوفسیزلیک کوچلری اۉرتهسیده یوز بېرگن.
بو مدت ایچیده، یوزلرچه کیلوگرام مخدره ماده تاجکستان خوفسیزلیک کوچلری تامانیدن ضبط اېتیلگن.
تاجکستان خوفسیزلیک ادارهلری معلوماتی اساسیده، جاری میلادی ییل باشیدن بیری تاجکستانده قۉلگه کېلگن قاچاقچی مخدره مادهلر جملهسیدن ۵۴ فایزدن آرتیق ماده افغانستان چیگرهسیدن قۉلگه کېلگن.
ایتیش کېرهک که بوندن ایلگری تاجکستان و افغانستان چیگرهسیدهگی اوشبو تۉقنهشوولرده، بیر قنچه آدملر قربان بۉلگنی هم خبر قیلینگن اېدی.
