افغانستان‌ده جمهورلیک حکومتی قوله‌شی و طالبان حاکمیتنی قَیته اېگه‌للشیگه تۉرت ییل تۉلیشی مناسبتی بیلن، «ایرانده‌گی افغانستان قدرتلی عیاللری حرکتی» بیانات اعلان قیلیب، بو کوننی «قارانغو و آغریقلی» دېب اته‌دی و اونی عیاللر همده خلق‌نینگ کوره‌شیش و عدالت ایزلش رمزی صفتیده دیب عنوان قیلدی.
بیاناتده ایتیلیشیچه، اگست آیی نینگ 15 ــنچی سی افغانستان تاریخیده‌گی اېنگ قاره کونلردن بیریدیر. بو حرکت نینگ ایشانچیگه کوره، بو کونده طالبان سیاسی، قانونی و اولوسی مشروعیت گه ایگه بولمی حاکمیتنی اېگه‌لله‌گن.
بو حرکت نینگ ایتیشیگه کوره، آخرگی تۉرت ییلده:
خاتین ــ قیزلر نینگ اساسي حقلری تیزیملی روشده باستیریلگن؛
میلیونلب قیزلر تعلیمدن محروم بۉلگن.
عیاللر ایش، اجتماعي حیات، سیاحت و حتا اېرکین نفس آلیش حقوقیدن هم چېکلنگن؛
مدیالر سانسور قیلینیب، اجتماعی فعاللر قووغینگه اوچره‌گن؛
اقلیت لر تبعیض گه آلینیب کمسیتیشلرگه دوچ کېلگن؛
کېنگ قمراولی قشّاقلیک و اقتصادی انقراض خلقنی تنگ احوالده قالدیرگن.
حرکت قوییده‌گی 5 اساسی طلبنی ایلگری سوره‌دی:
1- 15ــ اگست‌نی کوره‌شیش و عدالت ایزلش کونی صفتیده تن آلیش؛
2- طالبان حکومتی نینگ ناقانونيلیگینی اعلام اېتیش و عیاللرگه قرشی ظلمنی روا کۉریش؛
3- خلق‌ارا جماعتدن طالباننی تن آلمه‌سلیکنی سۉره‌ش؛
4- عیاللر، حقلری حمایه‌چیلری، ژورنالیستلر و اقلیت گروهلرنی حمایه قیلیش؛
5- دموکرا‌تیک و عدالتلی کېله‌جک اوچون برچه سیاسی و مدنی کوچلرینی بیرلشیشگه چقیریش.
بیانات سونگیده:
«آوازیمیز هېچ زمان اوچمه‌یدی. کوره‌شیمیز دوام اېته‌دی. نان، ایش، اېرکینلیک». دېییله‌دی.
