تخار ولایتی خواجه‌غار تومنی‌ده بیر قنچه فعاللر، یازووچیلر، شاعرلر و یاش-ییگیت‌لر اشتراکیده بیر احتفال اۉتکزیلیب، اوچ ادبی و فرهنگی اثر، کتاب شیدالری‌گه تانیشتیریلگن.
اۉزبېک تی‌وی گه یوباریلگن معلومات‌لرگه کۉره، بو احتفالده قاری عبدالباقی حیدری نینگ «دیدار یار» عنوانی آستیده‌گی شعرلر توپلمی، سیف الرحمن صامت قلمی‌گه منسوب «گوزل آی» همده سنت الله نوری نینگ «موج‌های آمو- تخار در آیینه اشعار شاعران» کتابی، تقدیمات مراسمی اۉتکزیلگن.
دیمک بو احتفال، خواجه‌غار تومنی فرهنگی فعاللری تشبثی بیلن «حرمت» و «داکتر عبدالرحمن» ناملی خصوصی مکتب‌لر همکارلیگیده اۉتکزیلگن.
احتفال اشتراکچیلری فرهنگی و علمی فعالیت‌لر اهمیت‌نی تاکیدلب، تانیشتیریلگن اوچ اثر یازووچیلری نینگ علمی و ادبی ایش‌لریدن قدرلگن.
ایتیش کېره‌ک که حاضر افغانستان‌ده ادبی ایجادلر اینقسه اۉزبېک تیلی‌ده بۉلگن ایجادلردن دولتی حمایه‌لر بۉلمه‌گن بیرحالده، فرهنگی فعاللر سعی‌وحرکتی بیلن بو ایجادلر حمایه‌لنیب کېلماقده و سونگی ییللر ایچیده اۉنلرچه عنوان کتاب چاپ‌گه تیارلندی.
