سرپل و سمنگان ولایتلریده طالبان محلی رسمی‌لری نینگ معلوماتی‌گه کۉره، بو ولایت‌لرنینگ عالی اۉقوو موسسه‌لری بیلیم یورت درجه‌سیگه کوتاریلگن.
سرپل ولایت مقام‌لیگی همده سمنگان عالی اۉقوو موسسه‌سی‌گه تېگیشلی صحیفه‌لر بیانات یازیب بو مساله‌نی تصدیق‌لگن.
ایتیلیشیچه بو قرار طالبان عالی اۉقوو وزیرلیگی قراری اساسیده آلینگن. مذکور وزیرلیک اېسه حاضرگچه بو حقده رسمی بیانات نشر قیلگن اېمس.
سرپل و سمنگان ولایتلری نینگ عالی اۉقوو مرکزلری شوندی بیرحالده بو درجه‌گه کوتاریلماقده دیر که سونگی ییللر ایچیده، افغانستان‌ده اۉقیش اینقسه عالی اۉقیش‌گه بۉلگن قیزیقیش‌لر خواطرلی بیر درجه‌ده آزه‌یگن.
یاش-ییگیت‌لر آره‌سیده اۉقیش‌گه قیزیقیش‌لر آزه‌یگنی و طالبان تامانیدن قیزلر اۉقیشی تقیق‌لنگنی بیلیم یورتلر و اوقیش مرکزلری طلبهلری نینگ سانینی جدی بیرحالده آزه‌یتیرگن.
