غزنی ولایتیده طالبان محلی رسمی‌لری نینگ اعلام قیلیشیچه، بو ولایتده ایکی علیحده ترافیکی حادثه یوز بېریب، ایکی کیشی اۉلیمی و ۱۲ کیشی یره‌لنیشیگه سبب بۉلگن.
اوشبو حادثه‌لر غزنی شهری تۉرتینچی خوفسیزلیک حدودی همده آب‌بند تومنی نینگ «توده‌چینه» حدودیده یوز بېرگن.
غزنی شهری تۉرتینچی خوفسیزلیک حدودیده، ایکی موتر بیر بیراوی بیلن تۉقنه‌شگنی عاقبتیده ۲ کیشی جان بېریب و ۹ کیشی یره‌لنگن.
شونینگدېک آب‌بند تومنی‌ده هم بیر موتر یۉلدن چیقیب کېتیشی عاقبتیده ایکی عیال شامل اوچ کیشی یره‌لنگن.
ایتیلیشیچه بو واقعه‌لر، هیداوچیلرنینگ دقت‌سیزلیگی باعث یوز بېرگن.
ایتیش کېره‌ک که سونگی وقتلرده، افغانستان‌ده ترافیکی حادثه‌لر سانی خواطرلی بیرحالده کۉپه‌یگن.
