خلق‌ارا اخبارات منبع‌لری غزه رسمی‌لریدن نقل قیلیب خبر بېریشیچە، بوگون دوشنبه ۳- سنبله اسراییل تامانیدن غزه اهالیسی‌گه قرشی اۉیوشتیریلگن هجوملر ینه قربان‌لیک آلگن.
غزه‌ده‌گی ناصر ناملی کسلخانه اوستیده اسراییل هوایی هجومی نتیجه‌سیده ۱۴ کیشی جان بېرگن.
بو قربانلر ایچیده تۉرت ژورنالیست هم بارلیگی انیق‌لنگن بۉلیب، بو ژورنالیست‌لردن حسام المصری، محمد سلامه، مریم ابو دقه و معاذ ابو طه دېب آت توتیلگن.
مذکور ژورنالیست‌لر رویترز، الجزیره، اسوشیتدپرس و ان‌بی‌سی یېتکیرمە‌لری بیلن ایشله‌گنی اېتیلە‌دی.
رسمی معلومات‌لر اساسیده بو ژورنالیست‌لر قربان‌لیگی بیلن غزه‌ده قربان بۉلگن ژورنالیست‌لر رقمی ۲۴۴ کیشی‌گه ییتیشگن
