خلق‌ارا ساغلیقنی سقلش تشکیلاتی بوگون سه‌شنبه ۴ – سنبله حسابات اعلام قیلیب خبر بېریشیچه، بیرلشکن ملتلر تشکیلاتی و افغانستان نینگ انسان‌پرورلیک یاردملر صندیغی تامانیدن، افغانستان ساغلیق بۉلیمی اوچون ینگی مبلغ اجره‌تیلگن.
ساغلیقنی سقلش تشکیلاتی‌گه کۉره، بیرلشکن ملتلر تشکیلاتی شاشیلینچ وضعیت‌لر صندیغی تامانیدن ۴.۹۸ میلیون دالر و افغانستان انسان‌پرورلیک یاردملر صندیغی تامانیدن اېسه ۱.۳۹ میلیون دالر اجره‌تیلگن.
مذکور تشکیلات بو مبلغ‌لر، ۴۲ ساغلیق مرکزی فعال اېتیلیشی، ۱۵ تیکشیروو جماعه‌سی فعالیتی‌گه امکانیت یره‌تیلیشی همده آلتی فرعی ساغلیق مرکزی قوللب-قوتلنیشی مقصدیده صرف‌لنه‌دی.
بو یاردملر شوندی بیرحالده دیر که بوندن ایلگری، افغانستان ساغلیق تیزیمی یاردملر آزه‌یشی اینقسه امریکا نینگ انسان‌پرورلیک یاردملری آزه‌یشی سبب آغیر احوالده توشیب قالگنی خبر قیلینگن اېدی.
