طالبان سۉزلاوچیسی اۉرین باسری حمدالله فطرت، مرکزی آسیا مملکتلری تامانیدن افغانستان خصوصیده تشکیل اېتیلگن علاقه گروهینی خوش قرشی‌لدی.
فطرت بو حقده ژورنالیست‌لر بیلن شریک قیلگن بیاناتیده، اوشبو گروه افغانستان بیلن مملکتلر مناسبتی یخشی‌لنیشیگه سبب بۉلیشی‌گه امید بیلدیردی.
دېیرلی اۉزبېکستان تشقی ایشلر وزیرلیگی اۉتگن کون بیر بیانات نشر قیلیب، اوشبو گروه تشکیل اېتیلگنیدن خبر بېرگن اېدی.
اۉزبېکستان تشقی ایشلر وزیرلیگی بیاناتی‌گه کۉره، مذکور گروه دایره‌سی اۉزبېکستان، قزاقستان، قرغیزستان و تاجکستان مملکتلری نینگ افغانستان بوییچه مخصوص وکیللری ییغین هم اۉتکزگن.
بو ییغین‌ده افغانستان بیلن مناسبت‌لر قنده‌ی بۉلیشی حقیده بحث اېتیلیشی‌گه قوشیمچه، ترورچیلیک تهدیدلری و مخدره ماده‌لر قاچاق اېتیلیشی آلدینی آلینیشی خصوصیده هم فکر المشتیریلگن.
طالبان اېسه ترورچیلیک خواطرلری و مخدره ماده‌لر قاچاقی‌دن بۉلگن تشویش‌لر حقیده هیچ نرسه دېگن اېمس.
