اروپا اتفاقی کمیسیونی‌نینگ باشلیغی اورزلا فون درلاین، غزه‌ده دوام اېتیب تورگن اوروش سبب‌لی، بو اتفاق تامانیدن اسراییلگه قرشی ایریم تحریم‌لر جاری اېتیلیشی ممکن‌لیگیدن خبر بېردی.
فون درلاین اروپا پارلمانی‌ده بۉلگن نطق‌لریده بو مساله‌نی بیان قیلیب، اروپا اتفاقی تامانیدن اسراییل بیلن بۉلگن سوداگرلیک ساحه‌سیده چیکلاو یره‌تیلیشی ممکن‌لیگینی تیلگه آلدی.
فرانسه اخبارات آژانسی تامانیدن نشر اېتیلگن خبرگه کۉره، فون درلاین بو سۉزلری پارلمان اعضالری تامانیدن کینگ آلقیش‌لنگن.
شونینگدېک اروپا اتفاقی‌نینگ کمیسیون باشلیغی، یقین‌ده غزه‌ده یاردم ییغیش مقصدیده بیر ییغیلیش بۉلیب اوتیشی ممکن‌لیگینی هم معلوم قیلگن.
عینی حالده اروپا اتفاقی‌نینگ بو ییریک مقامی، غزه اهالیسی قربانلیکلری همده او ییرده آچلیک سبب جان بېره‌یاتکن باله‌لر احوالی‌دن اېسلب بو وضعیت تیزلیک بیلن یکونلنیشی‌گه تاکید قیلدی.
