افغانستان سابق جمهور رییسی حامد کرزی پاکستان نینگ پکتیکا ولایتیگه قیلگن هوا هجوملریگه عکس العمل بیلدیریب، او مملکت دن افغانستان برابریده اۉز سیاستینی قیته کۉریب چیقیشنی سۉره دی.
کرزی جنابلر بوگون (شنبه ۲۶میزان) بیر اعلامیه نشر قیلیب پکتیکا ولایتیگه بۉلگن هوا هجوملرینی قتیق قاره له دی و قربانلر عایله سیگه اۉز قیغوداشلیگینی اظهار قیلدی.
اونینگ اعلامیه‌ده ایتیشیچه: «پاکستان اۉزی نینگ خیر و صلاح سی اوچون افغانستان مردمی و توپراغیگه قرشی تجاوزنی تۉخته تیشی کېره‌ک و بو باره‌ده‌گی سیاستینی قیته کۉریب چقییب خلق ارا اصول اساسیده افغانستان بیلن دوستانه و متمدنانه علاقه‌نی ایلگری سوریشی لازم دیدی.
پاکستان اۉتگن کېچه پکتیکا ولایتی برمل همده ارگون اولسواللیکلرینی پهپادی هجوملر آرقلی نشانگه آلدی. طالبلر رسمیلری‌نینگ ایتیشیچه، مذکور هجومده تینچ اهالی جمله دن کرکت محلی تیمی نینگ اعضالری نشانگه آلینگن.
بو هجوملر هر ایکّی تامان 48 ساعتلیک آتیش کېیسین قطرنینگ دوحه شهریده‌گی مذاکره یکونیگه قدر چۉزیلگن بیر پیتده یوز بېردی.
