افغانستان ژورنالیست‌لر مرکزی‌نینگ ایتیشیچه، شمشاد خصوصی رادیو-تلویزیونی ترماغی‌نینگ کابل‌ده نشراتی تۉخته‌تیلیشی بو عاموی اخبارات واسطه‌سی ایشلریگه بېواسطه و آچیقچه ارلشوودیر.
اوشبو مرکز کابل‌ده‌گی بیر منبع‌گه ته‌ینیب ایتیشیچه، طالبان استخبارات باشقرمه‌سی بویروغی بیلن شمشمد خصوصی تلویزیون ترماغی‌نینگ دستورلری جمعه کونی ۲۵-میزان‌ده تۉخته‌تیلگن.
افغانستان ژورنالیست‌لر مرکزی‌نینگ تٱکیدلب و منبع‌لرنینگ قۉشیمچه قیلیشیچه، شمشماد تلویزیونی طالبان بیلن پاکستان حربی کوچلری اۉرته‌سیده اۉتگن سۉنگّی تۉقنشوولر و پاکستان‌نینگ افغانستان‌گه هجوملرینی یېترلیچه یاریتمنگن‌لیکده عیبلنیب، شونینگ‌دېک، طالبان گروهی‌نینگ پاکستانگه قرشی توتگن قره‌شی و حرکتلرینی حمایه قیلمگنلیکده گمان قیلینماقده.
طالبان گروهی حاضرگچه، شمشاد خصوصی رادیو و تلویزیونی ترماغی فعالیتی‌نینگ تۉخته‌لیشی بۉییچه رسمی ایضاح بېرمگن.
شونینگ‌دېک، مذکور ترماغ رهبریتی هم بو باره‌ده حاضرگچه هېچ قندی فکر بیلدیرمگن.
۲۰۲۱ ییل ۱۵ اگست‌ده، طالبان ایکّینچی بار حاکمیت‌گه کېلگنیدن کېیین افغانستان‌ده عاموی اخبارات واسطه‌لری و ژورنالیست‌لرگه نسبتاً جدی چېکلاولر جاری قیلگن.
