بلخ ولایتی مرکزی مزارشریف شهریده، ۲۹ – میزان اۉزبېک تیلی ملی کونی مناسبتی بیلن طنطنه‌لی بیر احتفال اۉتکزیلدی.
بوگون پنجشنبه ۸ – عقرب تشکیل اېتیلگن اوشبو احتفالده، فعاللر، شاعرلر، یازووچیلر، قوم بویوکلری و آق‌سقاللر همده یاش-ییگیت‌لر اشتراک اېتیب، اۉزبېک تیلی بیره‌مینی نشانله‌دیلر.
احتفال دایره‌سیده، اۉزبېک تیلی و مدنیتی‌گه عاید کتابلر و یازوو اثرلر همده ایدیش و بویوملر هم کۉرگزمه‌ده قۉییلگن.
اشتراکچیلر اۉزبېک تیلینینگ افغانستانده‌گی اۉرنی همده اهمیتی خصوصیده نطق سۉزله‌گن.
شونینگدېک بو احتفالده اۉزبېک تیلی رواجلنیشی اوچون اعتبار قرهتیلیشی هم طلب قیلیندی.
ایتیش کېره‌ک که ایکی هفته‌دن بیری اۉزبېک تیلی بیره‌میگه بغیشلب افغانستان تورلی ولایتلریگه قوشیمچه دنیا بیر قنچه مملکتلریده هم تدبیرلر اۉتکزیلیب کېلماقده دیر.
