طالبان و پاکستان اۉرته‌سیده قرمه-قرشی‌لیکلر دوام اېتر اېکن، طالبان سۉزلاوچیسی ذبیح الله مجاهد ینه بیربار پاکستان طالبان تحریکی یا ده «تی‌تی‌پی»نینگ جنگری‌لری، افغانستان حدودیده حضوری یۉق‌لیگینی ادعا قیلدی.
طالبان سۉزلاوچیسی پاکستان‌لیک «خیبرنیوز» ناملی یېتکیرمه بیلن بۉلگن صحبتیده، بو ادعانی تیلگه آلگن.
شونینکدېک طالبان سۉزلاوچیسی، پاکستان تامانیدن افغانستان و پاکستان اۉرته‌سیده‌گی چیگره‌لر ایشیک‌لری یاپیق قالیشیدن هم تنقید قیلگن.
مجاهدگه کۉره، طالبان و پاکستان نیچه مراتبه بو خصوصده صحبت‌لشگن بیراق پاکستان تامانی اېسه بېرگن وعده‌لریگه صادق قالمهگن.
طالبان شوندی بیرحالده افغانستانده تی‌تی‌پی یۉق‌لیگینی ادعا قیله‌دی که پاکستان رسمی‌لری طالبان اعضالری استانبول ییغینی‌ده، بو گروه جنگری‌لری افغانستانده حضوری بارلیگینی تصدیق‌لگن دېب ادعا قیلگن.
پاکستان و طالبان تارتیشوولری هم خودی شو مساله خصوصیده بۉلیب، استانبولده بۉلیب اۉتگن مذاکره‌لر نتیجه‌سی سببی هم شو دیر.
