روسیه‌نینگ تاس اخبارات آژانسی بو مملکت مدافعه وزیرلیگی تامانیدن بېریلگن معلوماتگه اساسلنیب خبر بېریشیچه، اوکراین حربی‌لری اۉتگن کېچه دوامی‌ده روسیه تورلی حدودلریگه قرشی راکته هجوملرنی اویوشتیرگن.
بو حقده نشر اېتیلگن معلومات‌نی بیلدیریشیچه، اوکراین تامانیدن آتیلگن ۹۸ راکته روسیه هوا مدافعه تیزیمی آرقه‌لی یۉق اېتیلگن.
اوکراین بو هجوملری اۉتگن کېچه محلی وقت بیلن ساعت ۱۱ دن باشلنیب بوگون اېرته‌لب گه قدر دوام اېتگن. هجوملرده روسیه‌نینگ تورلی حدودلری اینقسه پایتخت مسکو شهری نشانگه آلینیشی مقصد قیلینگن اېدی.
اوشبو راکته هجوملر نتیجه‌سیده هیچ قنده‌ی جانی قربان‌لیک اۉرته‌گه کېلمه‌گنینی معلوم قیلگن روسیه رسمی‌لری.
شونینگدېک روسیه رسمی‌لری بو هجوملر نتیجه‌سیده هیچ قنده‌ی بیر انشات هم زیان کۉرمه‌گن دېب بیلدیره‌دی.
