تورکیه تشقی ایشلر وزیری خاقان فیدان، بو مملکت ملی تلویزیون‌نینگ دنیا فورمی دایره‌سیده نطق سۉزلب، غزه‌ده آتیش-کېسین تامین‌لنیشی مقصدیده بۉلگن کېلیشوو تۉلیق تامین‌لنیشی کېره‌ک دېب تاکیدلدی.
تورکیه تشقی ایشلر وزیری غزه اوروشی بوتونلهی یکونلنیب و دایمی تینچ‌لیک برقرار اېتیلیشی اوچون «ایکی دولت‌لیک ریجه» عملگه آشیریلیشی درکار دېب هم معلوم قیلگن.
عینی حالده تورکیه تشقی ایشلر وزیری، حاضرگی شرایطده خلق‌ارا تشکیلاتلرگه نسبتن ایشانچ‌لر آزه‌یگنینی تیلگه آلیب، بو تشکیلاتلر اعتباری قیتیشی اوچون عملی و اخلاقی چاره-تدبیرلر کۉریلیشینی تکلیف قیلگن.
شونینگدېک تورکیه تشقی ایشلر وزیری، بو مملکت دنیا بویلب تارتیشوولر اینقسه غزه و اوکراین اوروش‌لری یکونلنیشی اوچون اونملی حصه قوشیب تورگنینی بیلدیردی.
غزه‌ده آتیش-کېسین کېلیشووی تۉلیق عملگه آشیریلیشی شوندی بیرحالده تاکیدلنماقده دیر که سونگی کونلرده، اسراییل حربی‌لری بو کېلیشووگه ضد حرکتلرنی قۉلگه آلگنی خبر قیلینگن.
اسراییل‌نینگ بو حرکتلری، آتیش-کېسین کېلیشووی بوزیلیشی خوفینی آشیرگن.
