طالبان‌نینگ سوو و برق وزیرلیگی بیر بیانات نشر قیلیب، افغانستان ایریم حدودلریده یامغیر یاغیشی و سوو تاشقین‌لری صادر بۉلیب، دریالرده سوو سطحی آشیشی‌دن خبر بېردی.
بو حقده نشر اېتیلگن معلوماتلرگه کۉره، اوشبو هوا وضعیتی عقرب آیی‌نینگ ۱۳ –سیدن ۱۵ –سیگه قدر «کابل، پنج، آمو و شمال» دریا حدودلریده کوتیله‌دی.
سوو و برق وزیرلیگی معلوماتی اساسیده، اوشبو کونلر ایچیده بدخشان، تخار، بغلان، سمنگان، بلخ، جوزجان، سرپل، فاریاب، پروان، پنجشیر، کاپیسا، لغمان، کنر و نورستان ولایتلریده یامغیر یاغیشی و سوو تاشقینی صادر بۉلیشی ممکن دیر.
ایتیش کېره‌ک که اۉتکن کون‌دن بیری افغانستان ایریم حدودلریده اینقسه شمال و شمال شرق حدودلریده هوا یاغیشی خبر قیلینگن.
اوشبو حدودلردن ایریمی اینقسه بدخشان ولایتی ارگو تومنی‌ده، قار یاغیشی هم کوزه‌تیلگن.
