جرمنی رسميلری «مسلِم اینتراکتیو» گروهی نینگ فعالیتینی «اساسی قانونگه ضد فعالیتلر» و خلیفه‌لیک توزیش ترغیباتی سببلی منع اعلام قیلدی.
رویترز نینگ چارشنبه کونی 5-نوامبر، بېرگن خبریگه کۉره، شو بیلن بیر وقتده ینه ایکّی اسلامي گروه نینگ ملکلری هم تېکشیریلگن.
جرمنی ایچکی ایشلر وزیرلیگی معلوم قیلیشیچه، اوشبوعملیات دایره‌سیده هامبورگده یېتّی، برلینده و هسه یېریده اېسه اۉن ایکّی بنا تېکشیریلگن .
ایچکی ایشلر وزیری الیکسندر دوبریندت بیاناتیده شونده‌ی دېگن: «بیز خلیفه‌لیک اوچون تجاوزکار طرزده ترغیبات قیله‌یاتگن، اسراییل و یهوديلرگه قرشی نفرت ترقه‌تووچی همده عیاللر و آزچیلیکلر حقلرنی مېنسیمه‌یدیگن هر قنده‌ی کیشیگه قرشی قانون نینگ برچه امکانیتلریدن فایده‌لنه‌میز.»
چمه‌سی19 مینگته تیکتاک و یوتوب آبونه‌چیسیگه اېگه بۉلگن بو گروه جرمنی اساسی قاونونی‌نینگ قۉللب-قوّتلشینی بیلدیرگن، بیراق حکومت نینگ اسلام تلقینیگه اره‌لشووینی رد اېتگن.
2023-ییل 7-اکتوبرده‌گی هجوملردن سۉنگ برلین نینگ اسراییل‌نی قۉللب-قوّتلشی و غزه اوروشی باشلنگندن بېری جرمنی حکومتی بیلن مسلمان جماعه‌لری اۉرته‌سیده‌گی تنگلیک آرتگن.
اوشبو گروه 2020-ییلدن بېری فعالیت یوریتیب کېله‌دی، اجتماعي ترماقلرده فعال و تورلی ییغیلیشلر هم تشکیل قیلیب کېلگن.
