کندز ولایتی نینگ امام صاحب تومنیده اۉزبېک تیلی ملی کونی طنطنه‌لی طرزده نشانلندی. تدبیرده تومن حاکملیگی وکیللری، اۉقیتووچیلر، اۉقووچیلر، مدنیت اربابلری و محلي اهالی کېنگ اشتراک اېتدی.
دستور دوامیده اۉزبېک تیلی نینگ بای تاریخي میراثی، اونینگ افغانستانده‌گی اۉرنی و اهمیتی حقیده مقاله لر اۉقیلدی. شونینگدېک، مکتب اۉقووچیلری تامانیدن شعرلر، و صحنه کۉرینیشلری نمایش اېتیلدی.
اشتراکچیلرنینگ سۉزلریگه کۉره، بو کبی تدبیرلر یاش اولادده ملي اۉزلیکنی مستحکملش، اۉزبېک تیلینی اسرش و رواجلنتیریش مقصدیده اۉتکزیلماقده.
اوشبو محفلده اۉزبېکلرنینگ کییمی، طعاملری، وفرهنگی قۉل صنعتلری نماییش اېتیلدی.
امام صاحب تومنیده اۉتکزیلگن مذکور بیره‌م اهالی تامانیدن ایلیق کوتیب آلیندی و تومن مدني حیاتیده مهم واقعه صفتیده قید اېتیلدی.
