بیرلشکن ملتلر تشکیلاتی انسان‌پرورلیک یاردملرینی هماهنگلشتیریش ادارهسی یا ده «اوچا» بیر حسابات نشر قیلیب، افغانستان شمال و شمال شرقی حدودلریده یوز بېرگن سونگی زلزله عاقبتیده‌گی ویرانگرلیکلر حقیده معلومات بېردی.
اوشبو تشکیلات تامانیدن نشر اېتیلگن حساباتگه کۉره، بو واقعه نتیجه‌سیده ۳ مینگ و ۲۷ اوی زیان کۉرگن.
شونینگدېک اوچا تشکیلاتی معلوماتی اساسیده، بو اوی‌لر جمله‌سیده کمیده ۸۰۰ اوی بوتونله‌ی ویران بۉلگنی انیق‌لنگن.
ایتیش کېره‌ک که اۉزبېک تی‌وی هم منبع‌لری کۉزه‌تیشی و معلوماتی اساسیده، زلزله زیان ییتیشتیرگن کۉپلب قیشلاقلرنی تیکشیرگن اېدی.
اۉزبېک تی‌وی تیکشیرووی اساسیده، کۉپلب قیشلاقلرده اوی بوتونله‌ی یا ده قسمی کۉرینیش‌ده ویران بۉلگن.
قسمی کۉرینیش‌ده ویران بۉلگن اوی‌لرده هم اوی دیوارلری و تاملری جدی ضربه کۉرگنی باعث، یشش خوفلی بۉلگنی بیللی دیر.
