افغانستان و پاکستان اۉرتهسیدهگی چیگره یۉللر یاپیق قالیشی دوام اېتر اېکن، ایککی تامان اوچون مالیهوی زیانلر کون-سایین آشیب بارهیاتکنی خواطرلرنی اۉرتهگه آلیب کېلماقده.
پاکستان یېتکیرمهلری تامانیدن نشر اېتیلگن خبرلرگه کۉره، افغانستان و پاکستان مشترک سودا اتاقی بیر بیانات تیارلب، اوشبو زیانلر عاقبتیدن آگاهلنتیرگن.
مذکور اتاق تامانیدن تیارلنگن بیاناتده، پاکستان حکومتیدن تیزلیک بیلن بو یۉللر آچیلیشی طلب قیلینگن.
بیاناتده مالی زیانلر بوندن هم کۉپ بۉلمسلیگی اوچون بو ایش تیزلیک بیلن بجریلیشی طلب قیلینگن.
ایتیش کېرهک که پاکستان و طالبان اۉرتهسیده تۉقنهشوو یوز بېرگندن بیری، چیگره یۉللری باغلنگن و اوشبو وضعیت سبب حاضرگچه میلیونلب زیان اۉرتهگه کېلگن.
