ایران یېتکیرمه‌لری تامانیدن نشر اېتیلگن خبرلرگه کۉره، بو مملکت طالبان و پاکستان اۉرته‌سیده‌گی قرمه-قرشیلیکلر خصوصیده بیر ییغین‌دن میزبانلیک قیله‌دی.
بو مساله‌نی ایران تشقی ایشلر وزیرلیگی‌نینگ اۉرین باسری سعید خطیب‌زاده، روسیه‌نینگ اسپوتنیک اخبارات آژانسی بیلن اۉتکزگن صحبتیده اعلام قیلگن.
اوشبو ییغین، کېله‌سی میلادی آی دوامی‌ده اۉتکزیلیشی ریجه‌لشتیریلگن بۉلیب، ییغین‌ده منطقه مملکتلر جمله‌دن چین و روسیه وکیللری اشتراک اېته‌دی.
حاضرگچه بو ییغین قندی اۉتکزیلیشی و قیسی درجه‌ده مملکتلر وکیللری اشتراک اېتیشی خصوصیده تفصیلات بېریلگن اېمس.
شونینگدېک بو ییغین‌ده، افغانستان‌نینگ برقرارلیگی و تینچ‌لیگی خصوصیده هم فکر المشتیریلیشی معلوم قیلینگن.
ایتیش کېره‌ک که پاکستان و طالبان اۉرته‌سیده‌گی معمالرگه ییچیم-یۉل تاپیلیشی اوچون ایران تشقی ایشلر وزیرلیگی سعی‌وحرکتلرنی جدی باشلهگن.
اوشبو اینتیلیش‌لر دوامی‌ده، اۉتگن کون ایران تشقی ایشلر وزیری سیدعباس عراقچی طالبان تشقی ایشلر وزیری امیرخان متقی بیلن تلیفونی صحبت‌لشدی.
