امریکا قوشمه ایالتلرینینگ ایچکی خوفسیزلیک وزیرلیگی بوگون اېرتهلب یکشنبه ۹ – قوس نشر قیلگن بیاناتیده، بو مملکتده افغانستانلیک آلتی مهاجر توتقینگه آلینگنیدن خبر بېردی.
امریکا ایچکی خوفسیزلیک وزیرلیگی بو وزیرلیک ایکس صحیفهسیده یازگن بیاناتیده، مذکور شخصلر امریکا خوفسیزلیگیگه قرشی فعالیت قیلگنلری سبب حبسگه آلینگنینی معلوم قیلدی.
بو حقده نشر اېتیلگن معلوماتده اوشبو شخصلردن، جمال ولی، عبدالله حاجی زاده، نصیراحمد توحیدی، محمد خاورین، جاوید احمدی، بهرالله نوری و ذبیح الله مهمند دېب آت توتیلگن.
امریکا ایچکی خوفسیزلیک وزیرلیگی بو شخصلر، جوبایدن حکومتی تامانیدن امریکاگه آلیب کېلینگنینی معلوم قیلیب، اولر امریکا خوفسیزلیگی و خلقینی تهدید قیلهیاتکنینی ادعا قیلدی.
ایتیش کېرهک که بو باسیملر، امریکاده افغانستانلیک بیر مهاجر آرقهلی بو مملکت ملی گاردی اعضالریگه قرشی اویوشتیریلگن هجوم آرتیدن قۉلگه آلینماقده دیر.
امریکا خوفسیزلیک کوچلری بوندن ایلگری، اجتماعی صحیفهلرده ترورچیلیک تهدیدنی تیلگه آلگن محمد داود الکوزی نی هم حبسگه آلگن اېدی.
