«افغانستان آزادلیک جبههسی» نینگ ایتیشیچه، اونینگ کوچلری تامانیدن بدخشان و قندزده اویوشتیریلگن هجوملرده طالبان نینگ بېش اعضاسی اۉلدیریلگن، ینه اوچتهسی یرهلنگن.
جبهه ایری اعلامیهلر نشر قیلیب، بو هجوملر شنبه کېچهسی شامده ، -8 قوس عملگه آشیریلگنینی بیلدیرگن.
«آزادلیک جبههسی» نینگ قۉشیمچه قیلشیچه، کوچلری کېچه شامده بدخشان مرکزی فیض آباد شهری نینگ «تپّه تلیویزیون» منطقه سیدهگی طالبان نینگ یېتینچی حوزهسی اوستیگه «راکت هجومی» اویوشتیرگن و ایکّی تامان اۉرتهسیدهگی آتیشمه 15 دقیقهدن کۉپراق وقت دوام اېتگن.
جبهه نینگ ایتیشیچه، بو هجومده طالبان نینگ اوچ اعضاسی اۉلدیریلگن، ینه ایکّیتهسی یرهلنگن.
جبههنینگ باشقه بیر بیاناتیده ایتیلیشیچه، کوچلری کېچه شامده قندوز شهری آزادلیک کۉچهسیدهگی طالبان نینگ بیر تېکشیروو-پُستیگه هم هجوم قیلگن.
بیاناتگه کۉره، بو هجومده طالبان نینگ ایکّی اعضاسی اۉلدیریلگن، ینه بیر اعضاسی یرهلنگن.
