شونده ی که معلوم؛ تیل یلغوزگینه آنگ، توشونچه وتویغولرنی ییتکیزیش همده فقط گینه علاقه و تانیشیش وسیلهسی ایمس بلکه هر بیر ملت نینگ فرهنگی بیلگیسی، تاریخی نی اثباتلاوچیسی و بارلیگینی بیلدیرووچی وسیله هم دیر. تیل نینگ بارلیگی و بقاسی، فقط بیر خلق نینگ بارلیگی و بقاسی ایمس، بلکه ملت بیلن مملکت عین حالده بوتونلهی جامعه نینگ تاریخی حافظه سینینگ بارلیگیدن دلالت بیرووچی بیر بویوک نعمت دیر. تیلنی سقلشده بوتونله ی ایل و جامعه، ملت و مملکت عین حالده اسلامی جامعه سی نینگ ارزشلی کیشیلردن عبارت بولگن دین عالم لری هم مسوول دیرلر. دین عالم لری-فرهنگی عالم می یا دینی عالم می، اجتماعی عالم می یا علمی عالم می اما، هر قیسیلری نینگ تیلنی سقلشده و رواجلنتیریشده بویوک رولی و کتته مسوولیتی هم باردیر. دین عالملری، جامعه و جمیعتده بویوک اجتماعی ارزشگه ایگه بولگنلری اوچون اولر تیلنی ملی بیرلیک، جمعی هویت، ملت و مملکت اورته سیده ایلچی و بارلیک عنوان لری بوییچه یخشی رول اوینب بیله آله دیلر.
بیر مملکت و جغرافیه نینگ ملتلری تورلی ایل-خلق دن تشکیل تاپگنی گه قره مه ی، بلکه اولرنینگ مشترک تاریخی، فرهنگی و تیللرینی معنوی خزینه و ملی بارلیک میراثی عنوانی دییه، ملی رمز و ملی کوچ صفتیده دین عالم لری اوشبو موضوع لر توغریسیده عجایب رول اوینه آله دیلر.
دین عالم لری، بیر ملت و مملکت تیللرینی اینیسقه اوز آنه تیللرینی اسره ش و رواجلنتیریشده قوییده گی قیسقچه بیر نیچه مهم نکته لرنی عملی قیلیشلری بیلن مذکور هدفلر گه ایریشیش ممکن:
بیرینچیدن؛ دین عالملری، فرهنگی، علمی، دینی موضوعلرنی اوز تیللریده یازیب، اثر یازیشلری و اثر قالدیریشلری بیلن ملت و مملکت گه یخشی گینه خذمت قیله آله دیلر.
ایککینچیدن؛ مدرسه لر، دینی مرکزلر، علمی محفل لر ده دین عالم لرنینگ نقشی جوده کتته و اهمیتلی درجه ده دیر. شونگه اساس، مدرسه اوقووچیلری گه، مقتدی لرگه، ایشیتووچیلرگه معلم و مبلغ حیثیده آنه تیلده یازیش، ایتیش، بیلدیریش بیلن ایسلنگن موضوع لر بوییچه کتته خذمت قیله آله دیلر.
اوچینچیدن؛ دین عالم لری هر دایم دینی و سنتی ارزشلرنی ییتکیزیش بوییچه تیل دن اینگ یخشی وسیله اوله راق فایده لنگنلر، بنا دین عالم لری جامع و محله مسجدلرده، خطابه لرده، منبرلر ده، دعا و اوگیتلریده همده بیاناتلریده اوز آنه تیلیده سوزلش آرقه لی خلق و ملت نینگ یوره ک لریگه کیریب آله له دیلر.
تورتینچیدن؛ تکنالوژی و فن-تخنیکی وسیله لر (اجتماعی ترماقلر، رادیولر، تلویزیونلر، ویدیولر) یازمه و سیسلی شکلده دینی موعظه لر، اخلاقی و انسانی موضوعلر، اسلامی و اجتماعی گپلرنی بیلدیریش لریده آنه تیللری بوییچه خذمت قیلیشلری ممکن.
بیشینچیدن، اجتماعی مراسم لر جمله دن (چالمه-چاتیش یعنی فضلیت دستاری مراسمی، نکاح نی باغلش عنعنه سی، ختم و خیرات لرده موعظه، جنازه و قبر اوستیده اوگیت-نحصیت، دعوت و تبلیغ…) کبی موضوع لر ده هم اوز تیللرینی بیلن نطققه چیقیش آرقه لی تیل نی اسره و رواجلنتیریش ده کتته رول اوینه یدیلر.
نهایت ده، اوزگه فرهنگ و تیللرنینگ سوزلری برابریده اوز ملت و مملکت (آنه تیل)ینی مستحکملش، اونی اسره ش همده بیر اولکه نینگ فرهنگی ایرکینلیگینی سقلش و اوندن آرقه داشلیک قیلیش بوییچه علمالر کتته و مهم مثبت ایشلرنی بجره آله دیلر. بیر ملت نینگ تیلی کوچسیز بولگنده، طبعا اوشه ملت نینگ بارلیگی و مملکتی هم کوچسیز بوله دی، بنا عالم لرنینگ نقشی آنه تیل نی رواجلنتیریش و اوسدیریش ده بی قیاس دیر.
شونده ی موضوع لرگه کوره، دین عالم لرنینگ نقشی، تیللرنی سقلش و اولرنی رواجلنتیریش بوییچه اولرنینگ اساسی و تاریخی بورچی باردیر. دین عالم لری، اوزلری نینگ قلم لری، قلب لری، بیان و نطق لری، تعلیم و تربیه لری، تیل و تفکرلری بیلن بیر ملت و مملکت نینگ آی دیک آیی و قویاشدیک نوری بولیب، ملت و مملکت نی فرهنگی و اسلامی ارزشلر بیلن ایرکین یشش ده و سقلش ده کتته خذمتچیسی اوله راق، اساسی رول اوینه یدی.
