بیرلشکن ملتلر تشکیلاتینینگ ترقیات دستوری بوگون شنبه ۱۵ – قوس، بیر حسابات نشر قیلیب، افغانستانده اقلیم اوزگریشی و قورغاقچیلیک کۉپهییب بارهیاتکنیدن آگاهلنتیردی.
اوشبو حساباتده، افغانستاننینگ هرات، فراه، نیمروز، بلخ و جوزجان ولایتلری کۉپراق تهدید آستیده اېکنی معلوم قیلینگن.
عینی حالده بیرلشکن ملتلر تشکیلاتی اوشبو حساباتیده، افغانستانده هوا ایسیشی میلادی ۱۹۵۰ ییلدن بیری ۱.۸ درجه کۉپهیگنی و بو رقم ۲۱۰۰ نچی ییلگچه ۶.۴ درجهگه ییتیشیدن آگاهلنتیردی.
شونینگدېک اوشبو حساباتده، افغانستانده اورمانلر سانی هم خواطرلی بیر درجهده آزهیگنی معلوم قیلینگن.
بیرلشکن ملتلر تشکیلاتی ترقیات دستوری، بو وضعیت برابریده تیزلیک بیلن چاره-تدبیر نظرده توتیلیشی درکارلیگینی هم معلوم قیلدی.
