آلتیته پاکستانلیک عسکر خیبر پختونخوا ولایتیده، افغانستان بیلن چېگره یقینیده یوز بېرگن هجومده هلاک بۉلدی
رویترز آژانسی نینگ خوفسیزلیک منبعلریگه اساسلنیب خبر بېریشیچه، پاکستان نینگ خیبر پختونخوا ایالتیده، افغانستان بیلن چېگرهداش منطقهده، 9-دسمبر سهشنبه کونی، کرَم تومنیده رېجه بۉییچه هجوم عملگه آشیریلگن. هجوم عاقبتیده 6 نفر پاکستانلیک عسکر هلاک بۉلگن.
حاضرگی کونگه قدَر هېچ بیر گروه هجومنی اۉز ذمّهسیگه آلمهگن.
اسلام آباد حکومتی پاکستاندهگی زۉرآورلیکلر نینگ آرتیشینی افغانستان توپراغیدن فایدهلنیب، پاکستان خوفسیزلیک کوچلریگه قرشی هجوملر رېجهلشتیرهیاتگن قۉشنی مملکتدهگی عصیانچیلرگه باغلهماقده.
بیراق، طالبان دایمي روشده پاکستان نینگ بو دعوالرینی رد اېتگن و بونی پاکستاندهگی ایچکی معمالر صفتیده کۉرسهتگن.
پاکستان نینگ تحریک طالبان پاکستان (تی تی پی) گروهی کۉپینچه خیبر پختونخواه ایالتیده پاکستان حربيلریگه قرشی هجوملرنی عملگه آشیرهدی.
مذکور هجوم، پاکستان و طالبان جنگچیلری اۉرتهسیده ایکّی کون آلدین سپین بولدهکده بۉلیب اۉتگن تۉقنهشوودن سۉنگ یوز بېرگن.
