پولند خوفسیزلیک کوچلری داعش ترورچیلیک گروهیگه اعضالیکده گمان قیلینگن شخصنی قۉلگه آلدی. او ینگی ییل تدبیرلری و کرسمس بازارلریگه هجوم قیلیشنی رېجهلشتیرگن.
پیایپی اخبارات آژانسی بوگون سهشنبه ، 16 – دسمبرخبر بېریشیچه، اوشبو شخص کاتولیک لوبلین یونیورسیتیی طلبهسی بۉلگن و او پولند ایچکی خوفسیزلیک آژانسی (ABW) خادملری تامانیدن حبسگه آلینگن.
خبرگه کۉره، گمانلنووچیگه تېگیشلی جایلرنی تینتوو قیلیش چاغیده رقملی معلوماتلر و اسلامي رمزلر تاپیلگن بۉلیب، اولر اونینگ ایشی بۉییچه دلیل صفتیده فایدهلنیلیشی ممکن.
پولند محکمه سی گمانلنووچینی اوچ آی مدتگه قماقده سقلش تۉغریسیده قرار چیقرگن. مذکور ایش بۉییچه تېرگاو ایچکی خوفسیزلیک آژانسی تامانیدن آلیب باریلماقده.
پولند ایچکی خوفسیزلیک آژانسی مطبوعات سۉزلاوچیسی نینگ ایتیشیچه: «اوشبو جنایت نینگ مقصدی آدملر آرهسیده قۉرقوو اویغاتیش و داعش گروهینی قۉللب-قوّتلش بۉلگن.»
او، شونینگدېک، ایش حلی رواجلنهیاتگنینی و گمانلنووچی نینگ ترورچیلیک رېجهلری یوزهسیدن ینه قۉشیمچه تفصیلاتلر انیقلنیشی ممکنلیگینی قۉشیمچه قیلگن.
