آلمان ایچکی ایشلر وزیرلیگی پاکستانده آلمانگه کۉچیریلیشنی کوتیب تورگن 651 نفر افغانستانلیک قاچقینگه رد جوابی بېریلگنینی تصدیقلهدی.
دویچهوله خبریگه کۉره، وزیرلیک بو شخصلرگه اۉتگن هفته یازمه روشده خبر بېریلگنینی معلوم قیلگن.
آلمان ایچکی ایشلر وزیرلیگی بیاناتیده:
«کېنگ قمراولی تېکشیروودن سۉنگ، مجبوري قبولنی تصدیقلش اوچون اېندی اساس یۉقلیگی انیقلندی»، دېییلگن.
وزیرلیک بیر نېچه کون آلدین «وقتینچهلیک حمایه» دېب اتهلووچی رۉیخطگه کیریتیلگن شخصلر نینگ عریضهلری رد اېتیلیشینی اعلام قیلگن اېدی.
اوشبو رۉیخطگه بشردوستانه سببلرگه کۉره خوف آستیده بۉلگن و آلمان نینگ اوّلگی حکومتی تامانیدن قبول قیلینیشی وعده قیلینگن شخصلر کیریتیلگن اېدی.
آلمان ایچکی ایشلر وزیرلیگی بو قرارنی آقلب،
«اېندی قۉشیمچه قبول قیلیشگه سیاسي قیزیقیش یۉق»، دېب ایضاح بېرگن.
شونگه قرهمهی، آلمان حکومتی مجبوري قبول وعدهسیگه اېگه بۉلگن افغانستانلیک قاچقینلرنی کۉچیریش جریانینی تېزلشتیریشینی بیلدیرگن.
آلمان تشقی ایشلر وزیری یوهان واده فول اوشبو شخصلرنی پاکستاندن کۉچیریش جریانی جاري ییل آخریگچه یکونلنیشیگه امید بیلدیردی.
