عبدالله قهار 1907 ییل 17 اکتبر آییده قۉقان شهریده توغیلگن. اۉزبېکستان خلق یازووچیسی (1967). اۉرته آسیا دولت یونوېرسیتېتی نینگ پیداگوژي فاکولتهسینی تماملهگن (1930).
اونینگ ایلک «آی کویگنده» (1924) هجویه شعری نارین شیلپیق تخلصی آستیده «موشتوم» ژونالیده باسیلگن. یازووچی «باشسیز آدم» (1929) حکایهسینی اعلان کیلگچ، عمری نینگ آخریگچه نثرده ثمرهلی ایجاد قیلگن. دستلبکی حکایهلر تۉپلمی «عالم یشرهدی» (1935). شوندن سۉنگ اونینگ «حکایهلر» (1935، 1936) تۉپلملری کېتمه-کېت نشر اېتیلگن. بو دورده او «سراب» (1935) رومانینی هم یازگن. «قۉشچینار چیراقلری» (1951) رومانی، «شینچهلک» (1958)، «اۉتمیشدن اېرتکلر» (1965)، «محبت» (1968) قصهلری اۉزبېک نثری ترقیاتیگه مهم حصه بۉلیب قۉشیلگن. او اۉزی نینگ «شاخی سۉزنه» («ینگی یېر»، 1949—53)، «آغریق تیشلر» (1954)، «تابوتدن تاووش» (1962)، «ایهجانلریم» (1967) صحنه اثرلری بیلن دراماتورگ صفتیده هم تنیلگن. آ. س. پوشکین، ل. تلستوی، ن. و. گاگال، چېکاو اثرلرینی اۉزبېک تیلیگه مهارت بیلن ترجمه قیلگن.
عبدالله قهار 1968 ییل 25 ميده ماسکو شهریده وفات اېتگن.
حمزه نامیدهگی اۉزبېکستان دولت مکافاتی (1966) لاوریاتی. وفاتیدن سۉنگ «بویوک خدمتلری اوچون» نشانی بیلن مکافاتلنگن (2000).
منو
