بیرلشگن ملتلر تشکیلاتینینگ جهان آزیق-آوقت و اېکینچیلیک دستوری (فائو) نینگ معلوم قیلیشیچه، جاري قیش فصلیده افغانستان دهقانلریگه۸۷ مینگ۴۰۰ دانه بوغدایگه عاید اېکینچلیک بستهلری ترقهتیلگن.
(فائو)نینگ ایتیشیچه، اوشبو بستهلر یخشیلنگن اوروغلر و صفتلی اۉغیتلرنی اۉز ایچیگه آلهدی. اولر عنعنوي نوعلرگه نسبتاً یوقاری حاصلدارلیککه اېگه بۉلیب، عایلهلرنینگ آزیقلنیشی و درآمدینی یخشیلشگه یاردم بېریشی ممکن.
(فائو) بوگون (یکشنبه، ۷جدی) ایکس اجتماعی ترماغیده«آچلیک و تۉییب آوقتلنمسلیک کوچهییب بارهیاتگن بیر پیتده، دهقانلرگه آزیق-آوقت یېتیشتیریشده یاردم بېریش بو بشری حرکتدیر»
افغانستانده عایلهلرنینگ کتّه قِسمی تیریکچیلیگی اېکینچیلیک و چارواچیلیککه باغلیق.
سۉنگّی ییللردهگی کوچلی قورغاقچیلیک دهقانلر و چاروادارلرگه جدّي تأثیر کۉرسهتیب، قشّاقلیک و آچلیک نینگ کېنگهییشیگه سبب بۉلگن.
بیرلشگن ملتلر تشکیلاتی تامانیدن اعلان قیلینگن آزیق-آوقت خوفسیزلیگی بۉییچه انتیگراسیونلشگن فازلر تصنیفی(آیپیسی) نینگ سۉنگّی گزارشیگه کۉره، کېلهیاتگن قیش موسمیده۱۷.۴میلیون کیشی آغیر آزیق-آوقت خوفسیزلیگی معماسیگه دوچ کېلیشی کوتیلماقده.
