طالبان سوو و برق وزیرلیگی بوگون یکشنبه، ۷- جدی بیر بیانات نشر قیلیب، افغانستان تورلی حدودلریده سوو تاشقینی یوز بېریشیدن آگاهلنتیردی.
بو وزیرلیگ معلوماتی اساسیده، آمو، هریرود، مرغاب، هلمند و کابل دریا حدودلری کبی حدودلرده یامغیر یاغیشی سبب سوو تاشقینی یوز بېریشی ممکن دیر.
اوشبو وضعیت، اېرتەدن باشلب تا ۱۰- جدی کونیگچه یوز بېریشی کوتیلهدی.
سوو و برق وزیرلیگی، هرات، غور، بادغیس، هلمند، ارزگان، زابل، قندهار، نیمروز، فراه، سمنگان، بلخ، جوزجان، سرپل، فاریاب، تخار، کندز، کوکچه، پنجشیر، پروان، لوگر، غزنی، میدان وردک، کابل، گردیز، خوست، پکتیا و پکتیکا ولایتلری سوو تاشقینی گواهی بولیشی ممکنلیگیدن آگاهلنتیردی.
