طالباننینگ سۉزلاوچیسی ذبیحالله مجاهد اوشبو گروه مدافعه وزیرلیگی ترکیبیدهگی کوچلر سانی۱۸۱ مینگ۸۴ نفرگه یېتگنینی ایتدی.
او ایکس اجتماعي ترماغیده یازگن پیامیده، سۉنگّی بیر ییل ایچیده خوفسیزلیک، جنایتچیلیککه قرشی، چېگره، لجستیکی و باشقه بۉلیملرده جمعی۱۰۰ مینگ۳۰۰ کیشی تیارگرلیکدن اۉتکزیلگنینی یازگن.
طالبان سۉزلاوچیسی اوشبو گروه نینگ عمومي قوراللی کوچلری سانینی معلوم قیلمهگن.
بیرلشگن ملتلر تشکیلاتی خوفسیزلیک کېنگشینینگ چېکلاولرنی نظارت قیلیش کمیتهسی اۉزینینگ سۉنگگی حساباتیده طالبان کوچلری سانینی۳۸۰ مینگدن۴۵۰ مینگگچه دېب بهالهگن.
مذکور کمیته حساب-کتابیگه کۉره، بو کوچلر ترکیبیگه۱۵۰ مینگ عسکر همده۲۰۰مینگ نفر پولیس و استخبارات خادملری کیرهدی.
طالبان جاري ییل دوامیده بودجه تنقیصلیگی سببلی اۉزی نینگ ادارری توزیلمهلرینی قریب۲۰ فایزگه قیسقرتیردی و مینگلب کیشیلرنی ملکی همده حربي ادارهلردن بۉشهتدی.
طالبان کوچلری مدافعه و ایچکی ایشلر وزیرلیکلری همده استخبارات باشقهرمهسی دایرهسیده اساسن اوشبو گروه جنگچیلریدن تشکیل تاپگن.
طالبان حاکمیتگه کېلگنیدن سۉنگ افغانستان خوفسیزلیک توزیلمهلری پراکنده بۉلدی و سابق اوردو همده پولیس خادملری ایشسیز یاکه سرسان حالگه توشیب قالدی.
