اۉزبېک تی وی منبعلری خبر بېریشیچه، سمنگان بیلیم یورتی نینک رسمی لوحهسیدن اۉزبېکچه یازوو اۉچیریب تشلنگن؛ ایلگری اېسه بیلیم یورتی آتی تورت تیل(اۉزبېکچه، فارسچه، انکلیس و پشتو) تیللریده یازیلگن اېدی. اوشبو قرار، ولایت اهالیسی آرهسیده اۉزبېکلر مهم اهمیتگه اېگه بۉلگن بیر پیتده قبول قیلینگن.
محلی اهالی و مدنی فعاللر نینگ فکریچه، علمی موسسه لوحهسیدن اۉزبېک تیلینی اوچریش، کمسیتوچی و افغانستاندهگی تیل و ملی خیلمه-خیلککه حرمتسیزلیک صفتیده قرهلهدی. اولر بیلیم یورتلر تورلی ملتلر و تیللر ارهسیده اویغونلیک، برابرلیک یا تینگلیک و حرمت رمزی بولیشی کیرهکلیگینی، تیل و ملی کیملیکنی انکار اېتیش جایی اېمسلیگینی تاکیدلشهدی.
بو حرکت تشقی کۉرینیشیده رمزی بۉلسه-ده، عملده افغانستاندهگی رسمی و تعلیم یېرلریدن اۉزبېک تیلینی تیزیملی یوسینده چیقریش حقیده انیق خبر بېرهدی و بو اجتماعی ایشانچسیزلیکنی کوچهیتیریشی ممکن، دېب قۉشیمچه قیلهدی اۉزبېک تی وی منبعلری.
شونی تاکیدلش کېرهک که، یقینده جوزجان بیلیم یورتی نینگ لوحهسیدن هم اۉزبېکچه یازووی اۉچیریب تشلنکن اېدی؛ بو اېسه ایچکی و تشقی یورتداشلر، مدنی فعاللر و ملی حقوق تشکیلاتلری تمانیدن کېسکین تنقید قیلینگن. نهایت، اۉزبېک تی وی نینگ اوزولوکسیز تېکشیرولری و فعالیتلری همده جماعتچیلیک باسیمی آرقهلی بومساله حل قیلیندی و اۉزبېکچه تیلی جوزجان بیلیم یورتی لوحهسیگه قیتریلدی.
کوزاتووچیلر مسوول شخصلردن، تیلنی اوچیریش اۉرنیگه مملکت نینگ دیموگرافیک یا جمیعتچیلیک حقیقتلری و فرهنگ خیلمه-خیللگیگه حرمت کۉرستیشنی و بوندهی ضدیتلی حرکتلر نینگ تکرارلنیشی نینگ آلدینی آلیشینی سۉرهشماقده.
