زهران ممدانی۲۰۲۶-ییل نینگ بیرینچی دقیقهلریده، «سیتیهال»ده تاریخي مترو بېکتیده، تورموش اۉرتاغی راما دواجی اشتراکیدهگی کیچیک مراسمده، امریکانینگ نیویورک بیرینچی مسلمان شاروالی صفتیده قسمیاد قیلدی.
رویترزنینگ خبریگه کۉره، او«سیتیهال»مترو بېکتینینگ گنبذلی شیفت آستیده توریب: «ینگی ییل نیویارکلیکلرگه، بو تونل ایچیده بۉلیشیدن قطع نظر، یاکه یوقاریده بۉلیشیدن قطع نظر مبارک بۉلسین دېگن. بو حیاتیم دوامیده حقیقي شرَف و بېتکرار امکانیت دیر دېدی.
رویترزنینگ یازیشیچه، او بوگون محلي وقت بیلن توشدن کېین امریکا سناتوری برنی سندرز و مینگلب طرفدارلرینینگ اشتراکیده عامهوي قسمیاد مراسمینی هم اۉتکزهدی.
زهران ممدانی امریکا جمهور رییسی دونالد ترامپ سیاستینینگ قتّيق تنقیدچیسی بۉلیب، نوامبر آییده اندرو کومونی مغلوب اېتیب، نیویارک شاروالی صفتیده سهیلنگن.
دونالد ترامپ ممدانینی «کمونیست» دېب بیلگن و او شاروال بۉلسه، نیویارکنینگ فدرال بودجهسی کېسیلیشی بیلن تهدید قیلگن.
شونگه قرهمهی، ترامپ ممدانی نیویورک شاروالی صفتیده سیلنگچ، اونی آق اویده قبول قیلیب، «ممدانی مېنی حیرتده قالدیردی دېگن.
زهران ممدانی شیعه عایلهسیده اوگانداده توغیلگن و کېینچهلیک امریکاگه کۉچیب کېلگن.
او اجارهلرنی تۉختهتیش، اتوبوسلر و بالهلر باغچهلرینی بېپول قیلیش، شهر خدمتلرینی ایشچیلر و عادي اهالی فایدهسیگه قَیته تشکیل اېتیشنی وعده قیلگن.
