ایران اسلامی جمهوریتینینگ جمهور باشلیغی مسعود پزشکیان، بو مملکت و امریکا قۉشمه ایالتلری نمایندهلری اۉرتهسیدهگی نوبتدهگی مذاکرهدن ایکّی کون اۉتیشیدن کېین، بو مذاکرهلر نتیجهسینی یخشی بهالهدی.
پزشکیان بو حقده بوگون یکشنبه ۱۹ – دلو، اۉزینینگ ایکس صحیفهسیده یازگن بیاناتیده «امریکا بیلن بۉلگن مذاکرهلر بیر آدیم ایلگریده» دېب، اعلام قیلگن.
ایران جمهور باشلیغی، امریکا و ایران اۉرتهسیدهگی مذاکره منطقهنینگ دوست مملکتلری اینتیلیشی بیلن اۉتکزیلگنینی هم معلوم قیلگن.
شونینگدېک ایران جمهور باشلیغی، بو مملکت زورگه تَن بېرمسلیگینی تاکیدلب، تارتیشوولر تینچلیک یۉلی بیلن حل اېتیلیشینی تکلیف قیلگن.
ایتیش کېرهک که ایران و امریکا وکیللری، اۉتگن جمعه کونی ۱۷ – دلو، عماننینگ پایتختی مسقط شهریده اۉتکزیلگن اېدی.
ایکّی تامان هم مذاکرهده بۉلینگن بحثلردن راضیلیک بیلدیرگن بۉلسه هم بیراق هلیگچه نیمه کېلیشوولر قۉلگه کېلگنی انیق بیللی اېمس.
