اوکراین دولت رسمیلری معلوماتیگه اساسلنیب نشر اېتیلگن خبرلرگه کۉره، روسیه حربیلری بوگون اېرتهلب اوکراینگه قرشی بیر قنچه هجوملرنی اویوشتیرگن.
معلوماتلرگه کۉره، روسیهنینگ اوشبو راکته هجوملری نتیجهسیده تۉرت کیشی جان بېریب و ینه اوچ کیشی یرهلنگن.
روسیهنینگ اوشبو راکته هجوملری نتیجهسیده جان بېرگنلر آرهسیده بیرته عیال هم بارلیگی معلوم قیلینگن.
روسیه بو هجوملریده، اوکراین پایتختی کییف شهریگه تېگیشلی بیر قنچه حدودلرنی نشانگه توتکن.
ایتیش کېرهک که سۉنگی کونلرده، اوکراین و روسیه اۉرتهسیدهگی اوروش ینه بیربار جدیلشگن.
اۉتگن کون روسیه مدافعه وزیرلیگی اوکرایننینگ کمیده ۱۰۸ راکتینی یۉق اېتگنیدن خبر بېرگن اېدی.
